சற்றுமுன்னர் ஜனாதிபதி ஊடகப் பிரிவு விடுத்துள்ள அறிவித்தல்.

தற்போது நடைமுறையில் உள்ள மாகாணங்களுக்கிடையிலான பயணக் கட்டுப்பாடுகளை ஒக்டோபர் 31 ஆம் திகதி அதிகாலை 4.00 மணிக்குப் பின்னர் நீக்குவதற்கு தீர்மானிக்கப்பட்டுள்ளது.

இன்று (29) காலை கொவிட் அடக்குமுறைக் குழுவுடனான காணொளிக் கலந்துரையாடலின் போதே ஜனாதிபதி கோட்டாபய ராஜபக்ஷ இதனைத் தெரிவித்துள்ளதாக ஜனாதிபதி ஊடகப் பிரிவு தெரிவித்துள்ளது.

​​பாடசாலை மாணவர்களின் கல்வி பாரியளவில் பாதிக்கப்பட்டுள்ள நிலையில், அனைத்து பாடசாலைகளிலும் க.பொ.த சாதாரண தர மற்றும் உயர்தர வகுப்புகளை ஆரம்பிப்பதற்கான சுகாதார பரிந்துரையை கவனத்தில் கொள்ள வேண்டும். இது தொடர்பில் பாடசாலை அதிபர்களுக்கு அறிவிக்கப்பட்டு பாடசாலை திறப்பு நடவடிக்கைகள் துரிதமாக முன்னெடுக்கப்பட வேண்டுமென ஜனாதிபதி சுட்டிக்காட்டியுள்ளார்.

பொது இடங்களில் கொரோனா தடுப்பூசி அட்டையை கட்டாயமாக்குவதற்கான சாத்தியக்கூறுகள் குறித்து உடனடியாக ஆராயவும் இக் கூட்டத்தில் தீர்மானிக்கப்பட்டதாக ஜனாதிபதி ஊடகப் பிரிவு தெரிவித்துள்ளது.

பாடசாலை மாணவர்களுக்கான தடுப்பூசி வேலைத்திட்டத்தின் முன்னேற்றத்தையும் ஜனாதிபதி கண்காணித்தார்.

நாட்டில் கொரோனா இறப்புக்கள் மற்றும் தொற்றுநோய்களின் எண்ணிக்கையை குறைப்பதற்கு தடுப்பூசி திட்டத்தை மேலும் வலுப்படுத்த வேண்டியதன் அவசியத்தை ஜனாதிபதி ராஜபக்ஷ இதன்போது வலியுறுத்தியுள்ளார்.

தடுப்பூசி தொடர்பில் பல்வேறு குழுக்களால் மேற்கொள்ளப்பட்டு வரும் பொய்ப் பிரசாரங்களை மாகாண சுகாதாரப் பணிப்பாளர்கள் ஜனாதிபதியிடம் வெளிப்படுத்தினர்.

தடுப்பூசி தொடர்பில் பொதுமக்களை அச்சுறுத்தும் வகையில் சமூக ஊடகங்கள் உட்பட பல்வேறு ஒழுங்கமைக்கப்பட்ட குழுக்களை உடனடியாக அவதானிக்குமாறு ஜனாதிபதி பொலிஸ் மா அதிபருக்கு பணிப்புரை விடுத்துள்ளார்.

நாட்டைக் கட்டுப்பாட்டுக்குள் கொண்டுவந்து நிலைமையை வழமைக்குக் கொண்டுவரும் செயற்பாட்டில் மாகாண மற்றும் மாவட்ட சுகாதாரப் பணிப்பாளர்கள் அதிக பொறுப்புடன் செயற்பட வேண்டுமென சுட்டிக்காட்டிய ஜனாதிபதி, அனைத்துத் துறைகளையும் ஒருங்கிணைத்து, தாழ்வார அடக்குமுறை வேலைத்திட்டத்தை முன்னெடுத்துச் செல்வதற்கு தங்களை அர்ப்பணிக்குமாறு வலியுறுத்தினார்.

கொரோனாவால் சவாலுக்கு உள்ளான பொருளாதாரத்தை மீட்டெடுக்கும் முக்கிய காரணியாக சுற்றுலாத்துறை அடையாளம் காணப்பட்டுள்ளது. இலங்கையில் நடைபெறவுள்ள சர்வதேச விளையாட்டுப் போட்டிகளில் வெளிநாட்டுப் பார்வையாளர்கள் வந்து கலந்துகொள்ளும் வாய்ப்பை வழங்குவது தொடர்பிலும் இதன்போது நீண்ட கலந்துரையாடல் இடம்பெற்றது.

எதிர்வரும் 2021-10-29 ஆம் திகதி நடைபெறவுள்ள LPL போட்டிகள் உட்பட மேலும் பல போட்டிகளை பார்வையிட பார்வையாளர்களை இலங்கைக்கு வர அனுமதிக்குமாறு உள்ளூர் மற்றும் வெளிநாட்டு போட்டி அமைப்பாளர்களிடம் இருந்து ஜனாதிபதி ஊடகப் பிரிவுக்கு கோரிக்கைகள் வந்துள்ளதாக சுகாதார அமைச்சு சுட்டிக்காட்டியுள்ளது.

அமைச்சர் நாமல் சுற்றுலாத் துறையை மேம்படுத்துவதற்கும் அந்நியச் செலாவணியை அதிகரிப்பதற்கும் இது ஒரு தனித்துவமான வாய்ப்பு என்று சுட்டிக்காட்டினார்.

Post a Comment

[blogger]

Author Name

Contact Form

Name

Email *

Message *

Powered by Blogger.