நாட்டை உலுக்கும் கொரோனா - தற்போதைய நிலவரம் குறித்து வெளியான அறிவிப்பு.

நாட்டில் கடந்த வாரத்திலிருந்து கொரோனா தொற்றுக்குள்ளாகும் நோயார்கள்களும், மரணிப்பவர்களின் எண்ணிக்கையும் சடுதியாக அதிகரித்து வருவதாக கொவிட் தடுப்பு இராஜாங்க அமைச்சர் சுதர்ஷனி பெர்ணாண்டோபுள்ளே தெரிவித்துள்ளார். 

அத்துடன் நோய் அறிகுறிகள் தென்படும் நோயாளர்களும் அதிகம் உள்ளதாகவும், வைத்தியசாலைகளில் அதி தீவிர சிகிச்சை பிரிவுகள் மற்றும் அவசர சிகிச்சை பிரிவுகள் என்பன நிரம்பியுள்ளதாகவும் அவர் மேலும் தெரிவித்துள்ளார்.

இந்த நிலையில் நாட்டில் கொரோனா தொற்றுக்குள்ளான மேலும் 4 ஆயிரத்து 483 பேர் நேற்றைய நாளில் அடையாளம் காணப்பட்டுள்ளனர்.

கொவிட் 19 தொற்று பரவலை தடுப்பதற்கான தேசிய செயலணியின் தலைவரும் இராணுவ தளபதியுமான ஷவேந்திர சில்வா இந்த விடயத்தை தெரிவித்துள்ளார்.

மினுவாங்கொடை, பேலியகொடை மற்றும் புதுவருட கொரோனா கொத்தணியுடன் தொடர்புடைய 4 ஆயிரத்து 472 பேரும், வெளிநாடுகளில் இருந்து நாடு திரும்பிய 11 பேரும் இவ்வாறு தொற்றுடன் அடையாளம் காணப்பட்டுள்ளார்கள் என குறிப்பிடப்பட்டுள்ளது.

இதன்படி, நாட்டில் கொரோனா தொற்றுக்குள்ளானோரின் மொத்த எண்ணிக்கை 4 இலட்சத்து 7 ஆயிரத்து 768 ஆக அதிகரித்துள்ளது.

இதேவேளை, கொரோனா தொற்றுக்குள்ளான நிலையில் சிகிச்சை பெற்று வந்த மேலும் 2 ஆயிரத்து 163 பேர் குணமடைந்த நிலையில் நேற்று தமது வீடுகளுக்கு அனுப்பி வைக்கப்பட்டுள்ளனர்.

இதன்படி, நாட்டில் கொரோனா தொற்றில் இருந்து குணமடைந்தவர்களின் எண்ணிக்கை 3 இலட்சத்து 48 ஆயிரத்து 930 ஆக அதிகரித்துள்ளதென சுகாதார அமைச்சின் தொற்றுநோய் தடுப்புபிரிவு தெரிவித்துள்ளது.

இதன் அடிப்படையில் நாட்டில் கொரோனா தொற்றுக்குள்ளான 50 ஆயிரத்து 890 பேர் தொடர்ந்து வைத்தியசாலையில் சிகிச்சை பெற்று வருகின்றனர்.

இதேவேளை கொரோனா தொற்றுக்குள்ளான மேலும் 198 பேர் உயிரிழந்துள்ளமை நேற்று உறுதிப்படுத்தப்பட்டுள்ளது.

சுகாதார சேவைகள் பணிப்பாளர் நாயகம் இந்த தகவலை உறுதிப்படுத்தியுள்ளதாக அரசாங்க தகவல் திணைக்களம் தெரிவித்துள்ளது.

இதனை தொடர்ந்து கொரோனா தொற்று காரணமாக உயிரிழந்தோரின் மொத்த எண்ணிக்கை 7 ஆயிரத்து 984 ஆக உயர்வடைந்துள்ளது.

இதேவேளை கொரோனா தொற்றினால் உயிரிழந்தவர்களில் 20 வீதமானவர்கள் வீடுகளில் அல்லது வைத்தியசாலையில் அனுமதிக்கப்படுவதற்கு முன்னதாக உயிரிழந்துள்ளதாக தொற்றுநோயியல் பிரிவு தெரிவித்துள்ளது. 

Post a Comment

[blogger]

Author Name

Contact Form

Name

Email *

Message *

Powered by Blogger.